مسلسل الأدهم

التصنيف: 1 من أصل 5.

اقتباسات المسلسل


الأم: ربنا لما بيرضى عن حد .. بيخليله بدل العينين عشرة

أم أدهم عواطف (نهال عنبر)

محروس: إيه يا عم زرعتها فراولة طرحتلك هموم وإلا إيه؟
أدهم: أكتر يا عم.. بقولك ايه يا محروس
محروس: إيه؟
أدهم: معكش مية وتمانين جنيه؟
محروس: ده انا لو معايا 100 جنيه مكنتش جيتلك أصلًا، كنت رقدت عليها في البيت لحد ما تفقس100 كمان، وأديلك ال100 اللي تفقس ونرقد ع الفلوس بقى. صدقني يا أدهم لو الفلوس بتفقس كان زمنّا عملنا مزرعة أموال.
أدهم: جرى ايه يا عم محروس.. إنت حتتنقور عليّا إنت كمان؟
محروس مازحًا: إيه يا أدهم، هو في حد بتنقوّر عليك غيري وإلا إيه؟
أدهم: آه يا عم.. الدنيا
محروس: الدنيا بقى يا أدهم حنعمل ايه طيب، انسى يا عم
أدهم: والله يا بختك يا محروس
محروس: ليه؟
أدهم: بتعرف تنسى
محروس باستهزاء: أنسى إيه يا عم أدهم، هو أنا في حاجة افتكرها أصلًا عشان أنساها

حوار بين أدهم (أحمد عز) وصاحبه محروس (محمد لطفي)

أدهم: متخافش .. أنا مش هجّام ولا حرامي .لمّا يوسف أخويّا طلع الأول ع المحافظة مكانش مستني حسنة من حد، ولمّا عمه يستعّر إن هوه يمد إيده يسلم عليه تبقى إهانة، والإهانة لو ما تردتش تموّت، وأنا معنديش استعداد إن أخويّا يموت بسببك . تفضل.. فلوسك عندك أهيه تحت رجليك.. وطّي لمها

أدهم (أحمد عز) وعمه ناجي عضو مجلس الشعب (صلاح عبدالله) عندما وصل إليه ليعيد الجائزة اللي استلمها أخوه يوسف بمناسبة تفوقه “الأول على المحافظة”، فيدخل المكتب ويرمي المال بوجهه

 أدهم: قوليلي يما انتي بتعرفي تفرقي بينهم؟
الأم: مين دول يا بني ؟
أدهم: ولاد الحلال من ولاد الحرام
الأم: ربنا لما بيرضى عن حد .. بيخليله بدل العينين عشرة

أدهم (أحمد عز) وإمه عواطف (نهال عنبر)

حسيب: يا راجل هوه في حد ما بيشربش قهوة!
أدهم: يعني احنا كبرنا بعد الغدا كده بنشرب كوباية شاي في الخمسين يعني وكان الله بالسر عليم
حسيب: ما بتشربش قهوة خالص؟
أدهم: لا يعني احنا بنعتبرها رفاهية
حسيب: هايل.. أنا أقدر أقولك بقى دي الوقتي يا أدهم إن أنا معجب بيك جدًا، وعشان كده أنا حغيّر عادتي ومن دي الوقتي حبدا اشرب معاك شاي

أدهم (أحمد عز) وزوج عمته حسيب (سعيد صديق)

حسيب: شوف يا أدهم .. البني آدم بيتعرف من حاجتين : من أصحابه ومن بيته، وأنا للأسف مكونتش صاحب أبوك لكن دخلت البيت اللي هوه تربى فيه ، وعرفت أصحاب البيت وأصحاب أصحاب البيت
أدهم: آآه يعني عرفتو من خلالهم
حسيب: أيوا .. وتأكدت انو كان إنسان كويس أوي ، وخصوصًا أمّا عرفت انو هرب من جنة طاحون
أدهم: أديه هرب من جنة طاحون وسابنا احنا في النار
حسيب: الله يرحمه .. وأديك دي الوقتي بقيت على باب الجنة اللي كان أبوك فيها قبلك
أدهم: تفتكر يا باش مهندس؟
حسيب: شوف يا أدهم ..أنا حقولك على حاجة مهمة أوي .. حتى دخول الجنة لازم يكون بحساب

أدهم (أحمد عز) وزوج عمته حسيب (سعيد صديق)

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

مُقدَّم من WordPress.com. قالب: Baskerville 2 بواسطة Anders Noren.

أعلى ↑

%d مدونون معجبون بهذه: