مسلسل نهاية رجل شجاع

التصنيف: 1 من أصل 5.

اقتباسات المسلسل


عبدوش: ليك يا مفيد.. الحياة متل البحر، والناس متل السمك، الكل بياكل وبتاكل.. إلا القرش الوحيد اللي بياكل وما باكله حدا.. والمؤدب بينطمع فيه، ف خليك قرش حتى ما حدا يطمع فيك
مفيد: بصراحة أنا الحِكَم ما بتناسبني.. بدي ضل بني آدم.. ما بدي صير متل سمك القرش.. بس عند اللزوم 100 قرش ما بوَّقفوا قدامي

حوار بين مفيد( أيمن زيدان) وصديقه عبدوش(فارس الحلو)

أبومفيد: يا أخي هالصبي مصيبة من مصايب الدهر، تقول معجون بمية إبليس، وحياتك شيّبني.. الصيفية الماضية بعته لعند عباس السكافي مشان يتعلم له شي صنعة وقام جننه للزلمة، وحياتك ولا تقول حلفت بالرخيص صارعباس يمشي بالطرقات يحاكي حاله.. طيّرله ضبنات عقله ابن اللل.. ابن أختك مفيد

(بسام لطفي)والد مفيد(خالد تاجا) يشكو إلى خال مفيد

الأستاذ شعبان: اسمع يا ابني.. الله خلق لكل إنسان دماغ وحطّله اياه براسه حتى يشغله ويفكِّر فيه
مفيد: إذا الله راد رح شغّله أستاذ
الأستاذ شعبان: طيب.. وكيف بدك تشغله؟
مفيد: متل ما راح تعلمني أستاذ

حوار بين الأستاذ شعبان (جرجس جبارة) و مفيد سعد مينا)

سميّناك مفيد لتفيد طلعت مؤذي أكتر من العقرب، ما بكون ابراهيم المغضوب إذا ما بنزل ع النفوذ وببدل اسمك من مفيد لمؤذي 

ابراهيم المغضوب والد مفيد (خالد تاجا)

ابنك في عنده روح إجرامية.. ما في كلام، وإذا ما وقّفناه عند حده ممكن يتطوّر الأمر أكتر من هيك.. اليوم قطع ذنب الحمار، بكرة ممكن يقطع مدرّة البقرة، وبعد بكرة ممكن يقطع إذن واحد من رفقاته، وبعدين ممكن يقطع منخار الأستاذ شعبان، لهيك لازم نعاقبه ونردعه.. ما في كلام

المختار أبو طارق(رياض شحرور)

” إنتَ ما في بصدرك قلب.. في صخر “

أم مفيد(منى واصف) تقول لزوجها ابراهيم المغضوب (خالد تاجا) عن سكوته على عقاب مفيد وضربه

“في أشياء كتير بهالحياة بتمنى أنساها.. بس ما عم بقدر.. لأنه جرح الأسى ما بنتسى متل ما بقولوا”

لبيبة (سوزان نجم الدين)

بتعرف عبدوش.. أنا حطيت حالي بدرب السَّد اللي ما برِّد، وبهالطريق إذا التقى الواحد مع حدا من أعدائه، ما في قدامه غير احتمالين: يا يقضي على أعدائه، يا أعدائه يقضوا عليه.. أنا ما بحب أقضي على حدا.. بس كمان أنا ما بحب موت

مفيد (أيمن زيدان) يقول لصديقه عبدوش( فارس الحلو)

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

مُقدَّم من WordPress.com. قالب: Baskerville 2 بواسطة Anders Noren.

أعلى ↑

%d مدونون معجبون بهذه: